På bakgrunn av dette oppstår det fleire vanskelege spørsmål: Korleis konstruerer Staten oppfatninga av ei gruppe menneske som anten "sårbare" eller "uopplyste"? Skal Staten behandle borgarar som barn og anbefale "det rette livet", innføre forbod og kome med åtvaringar? Er denne Staten i stand til å respektere innbyggjarane som frie menneske? Er den norske røykelova ei forbodslov slik som nokon vil hevde, eller som andre meiner, ei fridomslov? Kva retorikk blir brukt når vi blir tvinga til å velje mellom fridommen frå røyk eller fridommen til å røyke?
Installasjonen Stairway to Heaven stiller synspunkta til to professorar opp mot kvarandre; Asbjørn Kjønstad, røykelovas far og professor i sosialrett og den austerrikske professoren i filosofi, Robert Pfaller. Installasjonen viser også ein kunstvideo med ein diskusjon om røyking og ein vegg av «trigger words».
Frå Stairway to heaven går du inn i Fridommens arena.